الهدف بقلم الشاعر المبدع / ابرام كمال

خلي الهدف يبقي ليك

ليه دايما مش مرتاح
قافل ليه الدنيا عليك
افتح بابك بالمفتاح
خلي الامل يدخل ليك

ركز دايما في الطريق
ودوس علي كلام الناس
حط النجاح هدف و صديق
عشان تقدر تبني الاساس

خليك وثق دايما ف نفسك
انك تقدر تبني احلامك
اخرج بره قضبان قفصك
وابدأء في كتابة افلامك

عيش الدنيا بطعم جديد
ودوس علي يأسك و اكتئابك
ثبت هدفك بقبضان حديد
افتح للامل صفحه ف كتابك

اكتب بأيدك كل الرؤايات
و القصص اللي كانت حزينه
افتح قلبك وانسي اللي فات
وزيين هدفك بأحلي زينه

شيل الفشل من حياتك
واعرض النجاح قدام عينيك
اصل انت لسه ف بداياتك
والناجح برضو مستنيك

عيش الدنيا براية النجاح
ودور علي املك بأيديك
عايز تنام وانت مرتاح
خلي الهدف يبقي ليك