(الليل ستار) بقلم المبدع /-عصام الأدريسي

الليل بيقولو عليه ستار
ستار لكل واحد بيعاني من جرح
وألم ومرار
ستار لكل واحد بيسهر يحب ويعشق
 ويكتب أشعار
ستار لكل إنسان شقى وتعب من شغل
طول النهار
والليل واحد لكن البشر مش واحد
فيه صغير السن و كبير السن وفيه الست والراجل
بيجمع الليل فيه من كل الأعمار
الليل ستار
تلاقي اتنين سهرانين بيحكو لبعض أسرار
وتلاقي اتنين غيرهم بيعاتبو في بعض على
 شيء بينهم دار
وتلاقي أحباب وصحبة حلوة مجمعين
 كلهم في دار
وتلاقي زيهم سهرانين والخوف ماليهم
لاني بينهم تار
وواحد تلاقيه عمال يقاسي مع ليله
وعقله محتار

الليل ستار

الليل يعني صرخة أطفال صغار من
شدة الجوع
الليل يعني أنين مريض بيتألم ومن
 شدة ألمه موجوع
الليل هدوء تشوف فيه ناس ماشية في طريق
 مافيش منه رجوع
والليل سكون تسمع فيه صوت شخص يبكي
 وعيونه مليانة دموع
وشخص تايه في ملكوت الله ويدعى ربه
وهو في خشوع

بيقولو الليل ستار

وانا بقول ربك هو الستار
ونهاية كل شيء ليه الرجوع