زكريات بقلم الشاعر المبدع عصام الإدريسي
كان بينا كلام وأجمل غرام
كنت عايش معاك احلى ايام
كنت بصحي على صوتك وانام
كنت عايش حبك حقيقة
كنت بتمنى قربك كل دقيقة
ماتخيلتش في يوم اني كل دا احلام
ماتوقعتش لحظة في بعدك الاقي الآلام
كنت راسم لحبنا رسم مافيش زيه في الوجود
عمري ماخوفت لحظة من الدنيا مادام انت موجود
حبي ليك كان حب مالهوش حدود
كنت اقول لنفسي لو روحت آخر الدنيا
هكون معاك لو هعدي الحدود
ياااه على الحب وانا بين ايديك
وفرحة عيوني لما تيجي في عينيك
ونبض قلبي الي دايما بينبض ليك
ولهفتي على لقياك وغيرتي عليك
وقتها كان كل همي اني اراضيك
كنت بحس الحزن جواي لو نزلت دمعة من عنيك
كان منايا اني كل يوم اصحى على صوتك وصورتك قدامي
كنت ببقى نايم وما تفارق احلامي
وببقي ماشي في كل مكان وصورتك ماتفارق خيالي
ماافتكرش لحظة غبت عن بالي
كل دا بقى زكريات
والحب إلى بينا مات
جاي دلوقتي تقولي نبدء من جديد وننسى إلى فات
انسى انت الرجوع
وفر على عيونك الدموع
حبنا كان واصبح ذكريات
إنساني خليك في حالك وانا في حالي
بس اوعي تنسى في يوم انك انت الي كنت جاني
ومن دلوقتي اتعود على حرماني
واكتب عن حبنا ذكريات
وعنوانها
الحب الي كان بينك وبيني
تعليقات
إرسال تعليق