حيطه سد بقلم الشاعر المبدع / محمود ابوالفضل
لا بجد.......!!!
مكنتش اعرف....؟
ان طريقي ف النهايه
حيطه سد.....!!
ورد الجنايني
مش ليه......!!!
والله ما نالك من ورودك
غير قطيع يديك.....؟؟
سم شوكهم لسه باقي
جوه دمك .....
اللي بيجري لسه فيك....!!!
امتى تصحى.....؟؟
ياللي فاكر ان وردك
الجميل ده
يبقي ليك......!!
ولا ياجي بريحه حلوه
يعطرك او
يراضيك....!!
لم الطريق بان خلاص...!!
جاب اخره لما قلك
حيطه سد....!!
انا اللي باني...؟؟
من حياتي سنين ألم....؟؟
ومن حبكم بنيت هرم...!!
ليه انا ابني وتاجي انت
يا واد تهد ....!!
هان عليك دمي
اللي فيك..؟؟؟
لما قولت حيطه سد.....!!
حد قلك ان القتيل؟؟
في وسط ليل
محتجله طعنه....!!
كنت وفرها لغيري...؟؟
اصلي ميت....؟؟
وموقفش موتي على طعنه....!!
..حيطه سد....
دمعي جرح خدودي....!!
والجحيم ادبل ورودي...؟
قبل ما تبنيلي انت ف خيالك
حيطه سد
آآآآآآآآه حيطه سد ...؟؟
لما تنقز لما تحجل .....
لما مني مش بتخجل ....
لما تاجي مره واحده ....
تقولي كلمه كانت بجد ...؟؟؟
..... حيطه سد .......
قولي بس مين بناها...؟؟
ايه تاريخها وايه اساسها
لما تعزل ناس بناسها ...
وتبدل ود .... عند ....
........
حيطه خايخه م البدايه
واللي بدأ الهم غم
واللي كان ابليس ف طينه
عمره مره ما يبقى ... أم ..؟؟
تعليقات
إرسال تعليق