قلب يكون وطن بقلم الطيب عوض احمد

.... قلب يكون وطن ......

ممكن تكون حبيت
 غير إن أنانية حبيبك
بتخلى  قلبك كل مادا عمال بيبعد
رد فعله فى الظروف دايما بليد
فى عز حزنك وفى وسط ضيقك
هو عادى بيبتسم ويكون سعيد
والوقت فات علشان تغير
ولو حاولت تلاقيه بيعند
وصعب أنك تحي ميت ودا أكيد
صوت الفراق بيرن فى ودانى
حاجات جديده بتتولد جوايه
احاسيس كتيره ملخبطه
متظبطه على صوت خروج الكلمه
بس وجعانى
مش بالضروره أكون ضعيف
لجل أحاول الاقى حد يعيش معايه
ولا بالضروره أكون كفيف
علشان اغمى  عيونى عن الحاجات
اللى مضيقانى
ومبقلش انى محتاج ملاك
عادى جدا محتاج بشر
غير إنى رافض للامتلاك
رافض أكون عن نفسى فى حالة سفر
بالمختصر
محتاج لقلب يحس أكتر من أنه يحب
محتاج لقلب يكون وطن
#الطيب_عوض_أحمد