مكتوب عليا الشقى بقلم الشاعر المبدع / سامى محمود حفني
من صغر سني
موصوف للجرح انا
عنوانه إني
لا عشت يوم مرتاح
ولا شوفت ساعة براح
ولا دقت الافراح
مره انا بابي
لحظة ميلادي بكيت
لما عرفت اني
محروم اعيش ف بيت
حنانه ضاممني
ابويا كان السبب
لما باع امي
وامي حنانها اتحجب
لما باعتني
الكل باع التاني
ف الدنيا اخدتني
كتبتلي احزاني
والفرحة نسيتني
زادت ف اوجاعي
قِسيت وهدتني
فضلت معانداني
مش عايزه تضحكلي
ولما جيت أسأل
يا دنيا ليه الأسى
قالتلي روح إسأل
اللي جابك هنا
معقولة ح اطلع انا
احن بيك منهم
باعوك اهلك وانا
اللي اشتريت منهم
تعليقات
إرسال تعليق