أجمل سنين العمر بقلم الشاعر المبدع / سامى محمود حفني

اجمل سنين العمر
مني ضاعت من غير ما احس
واللي فات من عمري كله
ما كانش الا وهم عشته
صبر وعذاب وكتير آسيه
ولا حد بيا ف لحظة حس

والخطوة بعد ما كانت كبيرة
بدأت تضيق حبة حبة
بقت خطاوي بجد صعبة
فوق احتمال طاقة البشر
والقلب بعد ما كان شباب
اصبح يا دوب يقدر يحس

غمضت عيني مَر اللي فات
قدام عيوني شريط ذكريات
ايوه اللي شفته كتير عليا
عشت زي المربوط ف ساقية
وجلاديني كتير كتير
والكل عايز مني بس

حد فاكر فين انا
حد فاكرني هنا
حد قالي كفاياك كده
حد حتى مد ايده
طيب عليا لو لثانية
أو حتى قالي بيك ح احس