ليه بقلم الشاعر / ابرام كمال

ليه

ليه بضحك ويا الناس
وانا من جوايا بموت
و ليه دايما كل الناس
محسساني ان مبسوط
ليه الدنيا جايه عليه
ومورياني الوش التاني
ليه الناس مش حاسه بيا
ودايما بالحجج شيفاني
ليه كل ما اجي احب
الاقي الناس موقفاني
ليه دايما سواد القلب
بيجي منهم كده عشاني
ليه لما اتكلم بأحترام
اطلع من الموضوع غلطان
ليه مش شايف الاهتمام
من حبيبي بتاع زمان
ليه دايما بقعد واحيد
و الناس بتشوفني معيوب
ليه لما ببقي سعيد
يقولوا عليا مجذوب
ليه لما بشوف الفرح
احزن بعده مليون سنه
ليه لما اتكلم عن الجرح
اتكلم بس عليا انا
ليه لما ببقي غريب
يحترموك كل الناس
ليه اعز حبيب
يطلع فلسو مش ماس
ليه لما ابقي في ضيق
مالاقيش حد ويايا
ليه احسن صديق
يتكلم عليا من ورايا
ليه يا دنيا بتعزبيني
ومفكرني كده مبسوط
ارجوكي ابعدي و سبيني
انا خلاص قربت اموت