يابنت الناس بقلم على عتريس ابو ادم

يابنت الناس ارضى بنصيبك وعيشي
اتحملى يابنت الحلال وماتزعليشي
وان جوزك كلمك كلمه ماتتكلميشي
وان امه اتكلمت اعملى ماسمعتيشي
وان حصل من جوزك غلط مادققيشي
على كل وحده فوتى وماتقفيشي
اه لو تخلى بالك سلبه وماتعنديشى
خليكى لينه مع الكل وماتصدريشي
معلهش اتحملى وحولى تعيشي

مش كل ماحد يكلمك اى كلمه تاخدى هدومك وتجرى على بيت ابوكى...
وتدخل مابينكم ناس غرب عشان يصلحوكم ويحلو مشاكلكم ويروحوكى...
وماتسمعيش كلام اللى يقولك وريهم كلام العين الحمره عشان يحترموكى....
شوفى مصلحتك فين يابنت الناس وسيبك من اللى بيخربو عليكى وبيحرشوكى...
يابنت الحلال... زى مافيه ناس بتحبك برضو فيه ناس كتير بيكرهوكى

اصعب حاجه لما يقولو مالها فلانه
مش مهدى سر وكل شويه زعلانه
واذا كانت على المشاكل
فكل البيوت معبيه مشاكل ومليانه
دا البيوت مليانه على الاخر وبتشر
والأيام بتجيب حلو.. وبتجيب مر
الجو غلا وكل الناس يا بنتى شقيانه
اتحملى يا بنت الناس وعيشي معلهش
الجو غلا والجواز النهارده مش بقرش
اتحملى انتى زى بعضو
جوزك مخنوق من الشغل مايتحملش

شوفى مصلحتك  فين وفتحى عنيكى
وماتخليش حد يفرح ولا يضحك عليكى
سايسي امورك يا بنت الناس ومشيها
وتعالى على نفسك زى بعضو وعديها
والله زعلك ورضاكى كلو بعقلك وباديكى
بدماغك خلى جوزك واهلو يشكرو فيكى
ويقولو من يوم ماخدناها وهى متحملانه
ولو لفينه الكون كلو مانلقيش ابدا زاييكى...