المسحراتى بقلم الشاعر المبدع/ رضا ابو الغيط

مسحراتى
مغنواتى
ومنايا ليله اسعد مراتى
اللى تملى
بتقولى صلى
وف عينها شالت امى وخواتى
زوجتى الأصيله
بعيون جميله
وبقلب فاتح..... بابه ليلاتى
للحاجه ناديه
والبت فاديه
ولطنط لبنه جارتى الزواتى
انا قلت اخدها
وامسك ف ايدها
واتمشى ناحية حمزه السعاتى
واجيب هديه
لأجمل صبيه
والنيه اسعد زوجتى وحياتى
فلقيتها مالت
وبعينها قالت
انا حابه منك يادوب جيلاتى
والمال نسيبه
لصاحب نصيبه
وكفايه انك مخلص وهادى
تعالى بينا
نسعد حزينه
مش لاقيه تاكل جبنه وحراتى
رمضان كريم

*******************