المسحراتي بقلم الشاعر المبدع / رضا ابو الغيط

مسحراتى
 مغنواتى
ومنايا صوتى بينكم يعيش
بين الشوارع
ف الليل بهاتى
وسحورى جبنه وبقايا عيش
بدعى لبلادى
تمحى الأعادى
والمولى ينصر شرطه وجيش
لا الدنيا حابه
نستنى حبه
ولا حابه ياكل غيرنا الهميش
المصرى قادر
على اى ساتر
والكل يشهد جُندى وشويش
يوم ما عَبرنا
الكل زارنا
وفروع شجرنا قالت تعيش
مصر العظيمه
قيمه وسيما
وعلمنا رفرف  بجناح وريش
رمضان كريم

**************