آخر قصيدة عشق بقلم الشاعر/ رضا ابوالغيط
***************
قصيدة عشق بااكتبها
بدمع العين
ومن ألمى
بخط حروفها فوق عمرى
اللى ضاع منى
وع الخدين
لأنثى قلبى كان ليها
بنانى حنين
ونن عيونى لعينيها
مساكن فاتح ابوابها
علي الجانبين
لأنثى كُنت بااحميها
وأداديها
بقالى سنين
واخاف جدا
يشوفها الليل
وهى بتشكى اوجاعها
من الخاينين
وهى واقفه تتأمل
ضياع الحلم من ايدها
وتغريدها
اللى صار يشبه
نايات الحزن ف بلادى
وتوهه واقفه محتاره
مابين البين
قصيدة عشق موزونه
لمجنونه
ما تعرف للهوى معني
وللا حست ..بأوجاعنا
وللا فاهمه
كلامى لمين
قصيده بحرها ميت
وبتعانى من الوحده
على الشطين
لواحده
قلبها ميت
غواها شيطانها للرده
وحالفه تانى لتبيت
ليالى العشق مكسوره
مابين الأصل والصوره
ف بنوره كساها الطين
*******************
تعليقات
إرسال تعليق