مدونة وشوشات الألكترونية

نظرة منك بشفاعة النبي يا سيدي ....... تنور صدري وتروي فى الحشا وريدي...... نظره منك هتكون والله يوم عيدي........ عطشان لهواك ولقاك والله يا سيدي........ جايلك وكلي شوق وهيام وهوان.......... يا سيدي الكريم الرحيم عالي المقام......... نظرة منك يا سيدي ارضيني وارضي ياسيدي وهأعمل بجد ليوم عيدي ما هو نظرة منك هي الرضا ده كلامك يوم أرسلت فى الخلق حبيبي...... قال ساعة الرضا هتكون لقيا بمواعيدي...... وهافضل اقول نظرة منك يا سيدي....... وواثق فى إني هأنول الرضا وهتبقي النظرة عيدي...... وعدت ووفيت وكل الورى تشهد  يا سيدي ..... ولوصلك  هأفضل دايب انا مهما طال حيفي ......

لما ده يكون حال عيالنا يبقي مين فيهم يبني ويعمر وطن يا خسارة تربية أجدادنا خلفوا عيال طلعت عيالهم عارنا عمر الوطن ما يبنيه اشكالنا الاوطان تنبني بسواعد رجالها مش بعيال ملعوبه حتى فى شعرها بس برضه احنا  فيها  سنامها ومهما طال ليلها وضاعت عيالها هيبقي فينا بواقي زمن شفنا فيه رجالها يبني الوطن ولد وتد ينفع رسن مش ولد شعره شوارع مالها عدد اصحي يا ابني وفوق عمر وطن عمر الهيافه ما كانت لينا وسم واجدادك كانوا رواسي همم خليهم يقولوا ما خلفنا رمم بعض المعاني *********** السنام . اعلى ظهر الجمال الوسم . العلامة المميزة الرواسي . الجبال الرمم . الاجساد البالية المتحللة

أستغرب من قال يوماً ان السجين فقط هو ذاك الشخص المحكوم عليه بعقوبه سالبة للحرية خلف أسوار مغلقة وحارس يحول بينه وبين العالم الخارجي . السجين أحيانا هو ذلك الشخص الذى يغدو ويروح ويتنقل  تحت ضوء الشمس ووسط المروج الخضراء وفوق الأسرة والوسائد الناعمة يتنعم . السجين الحقيقي هو ذلك الشخص الذى يقف على لسانه اللجام ولا يستطيع التفوه بكلمة واحدة عند رؤية الانتهاكات الإنسانية وأنتشار الرزائل والموبقات خشية إتهامة بإنه من فريق يدعو الى الفضيلة ومحاسن الأخلاق . إن الحرية الحقيقيه وهى اللفظ المضاد للعبودية هى التخلص من كل الميول والأهواء الشخصية والشعور بالعبودية الخالصة لرب الكون فى إتباع أوامره وأجتناب نواهية والانتقال من عبادة العباد الى عبادة  رب العباد فالرزق مقسوم والعمر مقدور  وما كان فى الغيب سيكون . الأمان النفسي والصفاء الروحى هو الحرية المطلقة التى جاءت فى حديث رسولنا الكريم صل الله عليه وسلم حينما قال فيما معناه من بات وأصبح معاف فى بدنه، أمن فى سربه،يملك قوت يومه ،فكأنما حيزت له الدنيا بحذافيرها أو كما قال صل الله عليه وسلم. فلننظر في الوجوه وفى أنفسنا لنتدبر المعنى الحق

صحيح دمي نفس لون دمك يا لئيم........ بس أنت دمك ملوث فاسد لعين............ دمي بيحمى حدود وعرضي كريم........... وانت دمك نطفة شيطان رجيم ذميم......... بتقتلنى وتزود في روح أمى وأبوى الأنين...... يومك قريب يا بن اللئيم لما يحكمنا اسد ما يلين ..... قلت الحقونى دمى بيسيل..... والإرهاب بيقتل فينا  كل جميل........ قالوا حقوق الإنسان سكين........ ملعون سبب يورث آنين...... وملعون كافر  تستر بالدين....... نغنى ونقول راجع حق الشهيد..... وكل يوم دمي فى الشوارع يسيل..... مين السبب يا متعلمين...... صمت الجبان ولا سبب خفي لعميل ....... دمي يا أمى راح بديل...... ولسه الدم برضه هيسيل ..... طول ما كان العجز قرين ......... يا قائد الجيش بلغ أمي رساله ..... قول ليها أبنك شهيد غدر السنين.... وفى عيني دمعة من خزلان أثيم .... وقولى لمراتي جوزك كان كريم .... وربي أبني وعوديه على سلاح الضمير ..... خلصت الرساله والروح رايحه للكريم .....

بص ع الصوره وركز شويه دى ضحكة ولا نظرة آبيه دى رسمه ولا روح نقيه أجمل ما فينا بينسرق أنظف ما فينا بيتحرق ولسه برضه ياما غيره هيتسرق بص ع  الصوره وركز شويه هوه ده جاني ولا ضحيه هوه ده زينا  تائة وعاشق اغنيه ومدمن مقاطع اباحيه على فضائيه دى ضحكه ولا نظره آبيه ضاعت الضحكه والدمعه عليك قويه نظرتك يا ابنى خنجر فى إنسانيه نظرتك يا بنى رصاصه فى النفوس السويه شوف وركز شويه هى دى رسمه جداريه ولا روح كان نفسها تبقي هنيه وكله علشانك يا بهيه بس انتى فعلا بهيه ونظرتى ليكى هتفضل زى ما هيه وضحكة شفايفي هتبقي لعدوى علامة تجارية يتمنى تكون في يوم ليه مسحوق تزين  زمن عفونيه بص ع الصوره وركز شويه وادعى لأمى بالصبر