عشانك بقلم رضا ابو الغيط

عشانك
********
عشانك هسابق  بقلبى الرياح
واداوى بعشقى  أنين الجراح
ووصى الأمانى.  بنول الأمال
 تفصل لقلبك.     توب البراح

عشانك هسابق بقلبي الطيور
وأقطف لقلبك... عبير الزهور
ووصى عيونى وقلبى الغيور
يحَنوا كفوفك.. بلون السماح

بس ارجعيلى    يا نن العيون
وطفى بحنانك لهيب الظنون
دقلبى اللى حَبك صابه الجنون
وعِشقت عيونه ليلاتى النواح

لا بُعدك  هيبنى ما بينا السدود
ولا حتى عِندك هيلغى الوعود
ياصاينه ف قلبك   كل  العهود
ف قلبى اللى حبك نور الصباح

************************
رضا ابوالغيط