سكة سفر للشاعر بسام الشاعر

سكة سفر
سكة سفر والمشهد ده متكرر .
شد حزامك والحلم عليه تدور .
أنته الغريب وسط الزحام وسط المدن .
وسط السحاب وسط الضباب جوه السفن .
بحور تعدى بﻻد تاؤى .
تفضل غريب والحلم حاوى .
ترسم طريقك مين حاسس بضيقك .
تحلم ببكرة فى سكة سفر .
فى سكة سفر مشهدنا رأسى .
من كتر المحن شابت أنا رأسى .
شوفت العجب وأسمى الغريب .
فى سكة سفر مليش رفيق مليش صديق .
غابت سنينى ويا اللى غاب .
وأنا لسه بدور فين الصواب .
ساحر يا حلمى وكانك خيال.
ودايما بشوفك آيات الجمال .
أعاند فى روحى وطبعك زوال .
فى سكة سفر خارج مجال .
فكرى اللى عدى حدود الخيال .
يصدم فى سور بعيد المنال .
سكة سفر والقطر ماشى .
متاعب طريقى بدون تﻻشى .
سكة سفر وانته اللى داير .
تحبس الهم فى ضلوعك .
وتخبى روحك من جروحك فى الهوى.
الحكم صادر من سنين .
راح يعمل ايه ويا القدر .
راح يعمل ايه ويا القدر.
/// الشاع® ///