علي رنة ٠٠٠ صوت التليفون للشاعر الكبير رضا ابوالغيط

على رنة........صوت التليفون
قمت اجرى..... زى المجنون
وألملم فرحى...... المتنطور
فوق رمشى وقلبي المفتون

وفتحت ......الخط المقفول
بين قلبي وصوته المعسول
ولقيته...... بيقول لي كفايه
وبلاش ...من قفل المحمول

خلينا ....نعاتب...... بعضينا
وعيونا... تكون ......الحكام
ونصالح... بالحب... عينينا
من غير ما يكون بينا ملام

وان كنت ياروحي الغلطان
هتأسف.... من قلبي لقلبك
وان قلبك يوم كان زغلان
هيسامح ناس لسه حبايبك

احكي لي... كان ايه خلاك
تتأخر.. علي قلبي ساعات
وانا قبلك..... مستني هناك
من قبل ...ميعادنا بساعات

تليفونك ......دايما مقفول
يا رساله... بتقول مشغول
فات ساعه.. ووراها اتنين
وغيابك شيئ مش معقول

طب كنت... تطمني عليك
برساله... من طرف عينيك
وانا أجيلك كده فين ماتكون
وأقول لك....... شُبيك لُبيك

***************************
رضا ابو الغيط