"نفسى" .. بقلم الشاعر المبدع/رضا أبو الغيط .
- نفسى
*********
نفسي ازرع ..بين شفايفك
ضحكه تطرح... ميت نهار
وأبقي طول ..العمر جنبك
قلب..... مايدوقش انكسار
وان لقيت...... الكل سايبك
ابقي شمسك .....ف المدار
وابقي منك...... نبض قلبك
والأماني............ ع الجدار
مين ده يقدر ينسي فضلك
يا أم توب...... زينه الخَضار
مين ده يقدر ينسي حُضنك
واحنا لسه ......عيال صغار
يا أم مادنا ..حاضنه عيسى
والكنيسه .............والفنار
ضُمي إبنك.... جوه حُضنك
فضًى كاسك .......م المرار
بكره نيلك.......... هيناديلك
رغم عن....... أنف اللي غار
ونلاقيكي ......رافعه ايدك
شايله راية .... ...الإنتصار
بكره طرحك... يبقي فرحك
والزمان..... .يرجع يصالحك
والعجين من فوق مطارحك
يبدر ....الخير .......والعمار
***********************
رضا أبو الغيط
تعليقات
إرسال تعليق