"جايلك" .. خاطرة بقلم الأديب الشاعر/شحات خلف الله عثمان .
- خاطرة بعنوان جايلك
بقلم . شحات خلف الله عثمان
////////:::////////
جايلك
وفارد فى الكون جناحي
معاي احلام كثير وكثير
كانت ف يوم ساكنه سنيني
جايلك وعارف
انك من كثر
الجراح كنتي بتنوحى
بس واثق انك
الوحيده
اللى قادره تحتوي روحي
جايلك
وكلي اماني
وعارف انك
هتطبطبي وتداوى
صحيح معاي
شعر ابيض
وقاموس ذكريات
بس والله
فيهم كنت
واد فارس
واجمل سفير
الكل قال
ده ولد زي الوتد
امه هبة النيل
وابوه من يومه
شهم وأصيل
جايلك
وفارد جناحي
طبطبي وضميني
ومن عشقك
سايق عليكى
النبي اسقيني
قالوها
وانا بعيد
عنك واد جدع
اوع تغيري
الصوره ف براويزي
دي شهاده
ودي شهاده
وكل الحكايه
مكتوب فيها
امه من يومها اصيله
وابوه كان ليه سند
عرفتي
انك ساكنه برضه وتيني
وبعدي عنك
كان فى حروفى عناويني
تعليقات
إرسال تعليق