الكلمة حياة كاملة بقلم مرقص اقلاديوس

الكلمة حياة كاملة
بقلم..مرقص اقلاديوس
........ّ...............
سؤال طريف عاوز ليكم اسأله.
الحياة....
أسئلة من غير إجابات،
و لا أسئلة محتاجة إجابات،
و لا أسئلة إجاباتها غير مقنعة.
و لا الحياة نفسها
أجمل ما فيها
إنها عاملة زى الجميلة الفارس المققنعة.

عارفين قصة الفارس المقنع
فى روايات العصور الوسطى..
كانت جميلة
ما كانتش عاوزة الناس يعرفوها.
و لما قابلت فارس حبته
و بارزته و غلبته،
و كان المفروض تموته.
قلبها ما قدرش
حبها كشفها و عرفوها.

الكلمة ويا الشاعر كدة.
يكتبها
و أوقات يبقى نفسه
للى بيحبهم يوصصلها.
و يبص عليهم
يلاقيهم
مش مهتمين،
يخاف يقولها يرخصها.
و هيا بالنسبة له غالية
أغلى من الوجود ذاته
تصدقوا يمكن أغلى من حياته.

و ييجى يوم
و الكلمة تختار اللى يسمعها.
تحس إن ده اللى هيققدرها.

و يبقى الشاعر محتار
يفرح إن كلمته فى الآخر ربنا كرمها.
و وصلت شحنة فرح و إيمان.
و شحنة أمل و حنان.
كان نفسه من زمان
للى بيحبهم يوصصلها.
و لا يزعل
إن كلمته عاشت سنين مققنعة.
لكن لأنها بتحبه
قررت تععرف الناس بيه
و تععرف الناس بنفسها.

الكلمة صعب كتابتها،
و الكلمة غالية.
ياما نفسى كلمتى
يبقالها اجنحة
و تدخل كل القلوب.
ياما نفسى كلمتى
تخلى كل الناس
فى حب ربنا تدوب.
ياما نفسى كلمتى
تععلم الناس
فى كل الحوارى و كل الدروب
إن ربنا
من محبته للحياة
إدانا الحياة.
و إن الحياة يومين يا دوب.

إوعاكم هدر تضيعوها.
و تفكروا فى إجابات ليها
و تنسوا تعيشوها.
و كلمتى
إوعاكم إوعاكم تنسوها.
حبوا الحياة و حبوها.
و حبوا ربنا اللى اداهلنا.
و إدانا كل إللى فيها .
بكلمة.......
بكلمة....
      ملاح بحور الحكمة
      مرقص اقلاديوس