• "ربيع البراءه" .. بقلم الشاعر المبدع/رضا أبو الغيط .
- ربيع البراءه
*************
ربيع البراءه أصبح خريف
وشيف الشقاوه
بيسلخ تملي جسمي النحيف
ويملا الرغيف
بعضمي اللي حاوط
قلبي اللي تاه
داخل زوايا ....سور الحياه
لانه بيحلم.... يفضل نضيف
برغم اللي حاصل وكتر الفواصل
وصوت المدافع وحد المقاصل
دمي اللي قالوا... انه خفيف
غطي الشوارع وسطح البيوت
وداير بيسأل..... فينه التابوت
وصاحب حنين طيب أليف ؟؟؟؟
يقاسمه اللي فاضل
ويقدر يفاضل
بين الأفاعي.... وفارس عفيف
ربيع البراءه أصبح خريف
وعزمي اللي ياما هد الجبال
وشال اللي رافع راية النضال
طاطا وشكله ....اصبح مخيف
شايل عصاه
ونبوت بينعي عمره اللي تاه
وماشي بيعرج جوه الحارات
وصوت الحقيقه اصبح سكات
ومات اللي عارف فين الدليل
وجرحي بيصرخ...ما بطل نزيف
تعليقات
إرسال تعليق