العدل فين يامحكمه للشاعر الكبير رضا ابوالغيط

العدل فين يا محكمه؟
**************
رفعت عليا........... ام العيال
دعوة طلاق ... ف المَحكمه
ومعاها كام.. شكوى ومقال
ف جريده ....سوده مُظلمه

قال يعنى اصبح شيئ محال
بينا الحياه .........والإمتثال
وان الهموم..... صبحت جبال
وعواطفى  صبحت ...مؤلمه

نسيت زمان .. ....وايام زمان
والعشره ........وسنين الأمان
وعشان غواها ف يوم شيطان
قالت ........تقدم .......مَظلمه

قالت.... . بأنى ..........بذلها
وسرقت... مالها. .. وعفشها
ومعاها ....شاهد .........زيها
أقسم ......يمين ف المحكمه

الكدب ده ......... طبع البشر
والقلب........ أنشف م الحجر
وبالمفيد ........... المختصر
الدعوى ........ كانت مُحكمه

كبروا العيال ..على حجرها
وف حضن ......أبوها وأمها
وعشان أشوف.. يوم  بنتها
لازم قضيه ........ ومحكمه

مين اللى قال
ان الحياه.... بالشكل ده
وان اللى صار
هو القانون أو ده القضا
اروح لمين واقول يامين
والعدل فين يا محكمه ؟؟

***********************
رضا ابوالغيط