أنا وقلمي للشاعر محمود خلاف

أنا وقلمي
بقلم محمود خلاف

اكتب بصراحة يا قلم

بس لا تخفي الألم
اكتب عن كره الاقارب
وشبهه ب سم العقارب
أكتب بدون لوم ولا عتب
طبع الخسة على طبعهم غلب
اكتب عن قلوب معمية
الدم اللي فيها بقي ميه
أكتب عن مشم ما بيشم
أبخر مايعرف خال ولا عم
أكتب عن أسود القلب
وطبعه كديل الكلب
مهما تدادي يميل
وينسى كل جميل
أكتب عن اليد اللي معضوضة
وكانت ولسة بالخير ممدودة
تصون عرضه.. وهو في عرضك يسب
تحسبه راجل ... تعاتبه يصرخ ويسب
سيرة الخلق عنده هواية
من كلمة يألف رواية
وناسي أن فيه ديان
قال كما تدين يافتى تدان
إياك تفكر صبري عليك إني ضعيف
دا لأني راضع لبن نقي ونضيف
وبراعي فيك صلات الرحم
وبقول يمكن مرة يصيبك فهم
اعمل وتنكر وهأعمل تاني  وهتحقد أكتر
وهاذلك وهاعمل الخير  عشان قدامي تصغر
وتصغر  وتصغر وتصغر لحد ما تتلاشى
وفعينك هاكون  الباشا
وأمسك القلم وأقول أكتب
عن اللي على نفسه بيكذب
ويعمل نفسه  شريف وأمين
 لكن قلبه أسود عن الطين
أكتب يا قلم ولا تعاتب
والردي ندل ما يتعاتب
بيبخ سمه كما التعبان
ويتلون كالحرباية ألوان
ويكره الأقارب
وحقده كسم العقارب
وذكرهم يا قلم بالقلب لابيض
اللي دوم بالخير ينبض
واللي ولا صابه فيوم ملل
ويقول ربي يعلم النية والعمل