"حابب" .. بقلم الشاعر المبدع/رضا أبو الغيط .
- حابب
************
حابب أعيش ......دايما ليكي
شاعر بيكتب ... ...غناوكي
علي شط نيلك........... وقنالك
نايم ف حضنك... علي شالك
وعشان ما يعلي ف يوم شانك
لازم تصوني..... اللي حاميكى
حابب أعيش دايما جنبك
عاشق متيم ........وبحبك
يا صاحبة النبض الساكن
من حبك ابني لي مساكن
وبلاش من اللون الداكن
يفصل مابين قلبي وقلبك
حابب أكون ليكي المصنع
وايد بتبني.... وايد تزرع
وازرع ف أرضك حكاويكي
عن شعب عاشق لعينيكي
بتحني من دمه ايديكي
رافض .......لغير الله يركع
حابب أعيش وبدون عله
وأدور........ بدون الفرقله
م القله........ اشرب وٱبلع
وف حضنك انتي انا أدلع
وجدوري ف الأرض تفرع
واطرح شعاع شمس وضله
حابب أكون ليكي الساري
علم مرفرف ....ف العالي
وتعالي نبني جسور بينا
توصل يا روحي اللي مابينا
احنا اللي عشقاكي عيونا
وانتي اللي دايما بتلالي
حابب اكون ليكي الكحله
ف عيون معاها الليل يحلا
وردايه فوق خدك طارحه
جمال ومتلون .........فرحه
يا ام الملايه....... والطرحه
حاسبي من السكه الوحله
حابب أكون.. ليكي سلاحك
نصر وسلام يشفي جراحك
وتقربي........ حبه...... بحبه
وأقعد معاكي ....علي التبه
لو تسمحي...... ٱو يوم حابه
تبقي الحياه واحنا صباحك
حابب اكون...... ليكي المخله
طرح الجناين ............والنخله
وان يوم عطشتي ٱنا ارويكي
من نيل بيجري ف أراضيكي
حابب أعيش عمري أرضيكي
لأجل. الحياه ..فيكي ما تحلا
حابب أكون شمس نهارك
وٱدفي سطحك وجدارك
وان زارك الحزن.. تلاقي
طعم الدوا ..من أشواقي
باقيه عليا....... وٱنا باقي
لحن الحنان....بين ٱوتارك
حابب أكون ليكي الفرحه
متحزمه .. بمليون طرحه
بعد الكتاب...... نعمل ز فه
ومعاكي أرقص.. ع الضفه
وف مركبه..... جنب الدفه
نتخفي ..م الموجه المالحه
حابب أكون انسان صالح
وازرع من الحب مطارح
تطرح أغاني الشوق ليكي
وتحني م الفرح.. ايديكي
وف نن عيني.... أخبيكي
يا حنينه ...وخيرك طارح
حابب اكون ليكي القمره
ومعاكي .....تحلو السهره
من شوقي ليكي أغنيلك
وتسري فرحي ف منديلك
حابب .أكون لك قنديلك
والنني ف عيون السمره
حابب أكون ليكي سماكي
وسحابه.. بيشيلها هواكي
واختار ترابك......... وأنزله
واروي اللي طارح من فله
وف ودنه... اهمس وٱقوله
سبحانه وحده اللي رعاكي
***********************
رضا أبو الغيط
تعليقات
إرسال تعليق