يا شمس النهار للشاعر الكبير رضا ابوالغيط
***************
طيفك وحَشنى يا شمس النهار
والضلمه.... عِلًتْ مابينا الجدار
وغلبت أهاتى..... عليكِ ليلاتى
وانتي ما همك شوق الانتظار
برد الزمان............مالي المكان
وتاهت أماني........وتاه الأمان
امتى يؤون.... يا شمس الأوان
وافرد جناحى ....بدون انكسار
تاهت ف بُعدك خطاوى الطريق
شعلل ف قلبى... لهيب الحريق
امتي تنجي..... بهواكي الغريق
وألقي ف قُربك ...حُضن العمار
عاشق زمانك ....وساكن مكانك
قلبى اللى حبك...عمره ماخانك
دمعة عينيا ......بتنزف عشانك
وكاسي ف بعدك.... بطعم المرار
يا شمس النهار يا لون الخضار
تعالى وهِدى ......مابينا الجدار
عدى السدود ...وإلغى الحدود
قولى لشعاعك ...كفايه انكسار
تعالي ندوب........ بينا الظلام
وأبدر بنورك......... بذرة سلام
تطرح محبه... ف قلب الأنام
تطر ح لعيني ..... .أجمل نهار
****************************
كلمات / رضا ابو الغيط
تعليقات
إرسال تعليق