"فكى شالك" .. بقلم الشاعر المبدع/رضا أبو الغيط .

فكي شالك واربطي به 

جرح نافذ...  جوه مني

وف ترابك.. تحت بابك

ادفنيني ...غصب عني

ده لأني.. عشت فيكي

واللي فيكي مش فاهمني

واللي منك واللي مني

مدوا ايدهم ..جوه مني

شالوا فرحه طارحه ليكي

طفوا ليكي نور عينيكي

واللي فاضل م السعاده

طعمه ساده. ..رغم سني

ادفنيني تحت بابك

وسط حنية ترابك

واكتبي ع القبر.... إني

كنت واحد من شبابك

يوم ما سابك ........

كان ثيابك............

اللي صانك م الديابه

كنت واحد... م الغلابه

رغم جرحي اللي بينزف

كنت بااعزف لحني ليكي

ولعينيكي ..عشت أغني

ادفنيني .....وف ترابك

جوه حضنك تحت بابك

وف غيابك وصي نيلك

يبقي يا خد ...باله مني

**********************

رضا أبو الغيط