لما تكون . للشاعر المبدع رضا ابوالغيط

لما تكون كده يوم مخنوق
ارفع إيدك .......بص لفوق
وادعى تملى..... رب العزه
يصلح حالك ..وإنت تفوق

اوعى تسيب   نفسك للهم
لتدوق منه.... كاسات الغم
واشرب كاسك  م الأفراح
واشخط  ف الأحزان تتلم

فَكًر تِبنى....... وتعلى لفوق
وانسى هموم  الدنيا وروق
وبلاش تخنق   حلمك يوم
ويكون يأسك حبل وطوق

انسى الدنيا....... وريح بالك
قادر ربك........ يصلح حالك
لو راح تقصد...... وجه الله
مالك بكره ....يقضى عيالك

ربى ولادك ........ع الايمان
علمهم......... معنى الاحسان
راح تلاقيهم.  والخير فيهم
مهما  يكونوا ...ف أى ماكن

خليك دايما  راضى قنوع
واحمد ربك.. مهما تجوع
خلى تملى الحب ف قلبك
يمسح حُبك.... أى دموع

صلى الفرض  وصلى السُنه
وبلاش كلمة.....قالوا وقولنا
من أعمالك...... تلقى عيالك
ذى الفرح ......ونقش الحِنه

حِب الناس ...الناس ها تحبك
وقت الشده....ها تكون جنبك
واملا القلب....... بحب الخير
ربك عالم....... باللى ف قلبك

قبلنا قالوا .....الدنيا دى فانيه
ومن السهل ....تسيها ف ثانيه
واللي خلقنا ........قادر يخلق
بين الكاف والنون  ناس تانيه

عيش الدنيا .........كأنك نوح
ابنى وعَمر.......... وبلاش نوح
وإوعاك تنسى ...الدار الثانيه
أصل ف ثانيه.. الروح بتروح

بص يا صاحبى. لشجر التوت
مهما نعبش .....كلنا ها نموت
مهما نشرق .........وللا نغرب
آخر الرحله ...ها يبقى تابوت

***********************
رضا أبو الغيط