الجلابيه المكويه والتقليه



لبست الجلابيه المكويه

ومسكت بإيدك المارلبورو السحريه

رشيت العطور الباريسيه

وعامل فيها قيمه وسيما وبهويه

وبتمشي تتمخطر  ومش شايف بشريه

نسيت التقليه والبصل يا نور عنيه

 وكمان وقفة المطبخ والغسيل الاسبوعيه

طيب نسيت العرق فى الظهريه

وكام غيار فى دوام بيتغسل من شقاء اليوميه

بلاش كده ما تزعلش يا عنيه

 بذمتك  افتكرت الوليه

افتكرت انها شايله  الهموم ديه

افتكرت  انك بيتسرق عمرك كل صبحيه

هتفتكر كام ولا كام

دانت همومك ما تتحملها جبال

همه كام شهر فى سنتين يا غلبان

بتنزل تشوف فيهم العيال

بلاش افترى واعمل حاجه للزمان

تقرب بيها الأيام

وتشوف عيالك
 وترتاح من التقليه كمان

....

الخاطرة من نوع النثر العامى تحتوى على بعض الرسائل المهمه التى ودددت طرحها على أعينكم  الراقيه وعلى نفسي أولا  وهى :

اولا . مراعاة الله فى الزوجات وما تقوم به من ادوار فى الحياة مثل تربية الاطفال والغسيل والطبيخ .

ثانيا . عدم التبذير والتفريط فى مدخرات العمر فى التوافه عند النزول فى الأجازات بالنسبة للمغتربين .

ثالثا. محاولة تقصير الغربة بقدر الإمكان لتربية الأطفال بدلا من تغير المشاعر وفقدان الروابط .

رابعا. البعد عن التدخين وإهلاك الصحة بما لا ينفعها .

خامسا . التواضع وعدم الكبرياء والتكبر على الناس بما نجنيه من أموال  فى اجازه لا تتجاوز ايامها وليالها  لحظات التعب والمعاناه .

تعليقات

المشاركات الشائعة من هذه المدونة

ماحدث بالأمس...رواية قصيرة بقلم القاص المبدع / رشاد الدهشورى .الحلقة الثانية

من سنين بقلم رضا ابو الغيط

العدل فين يامحكمه للشاعر الكبير رضا ابوالغيط