وخر يا ولد

وَخِر يا وِلْدْ

مش عارف انا مِيِنْ ....

أنا ابن ....

 النيل والطين.....

 والليل الحزين ....

ولما بأسمع صوت الأنين  ....

تجرى الكرامه فى الشرايين ....

ما يهمنى أنت مين ولا كنت مين ....

لإنى ماشى بيقين من سنين ...

الحره  بِـتصْبـْر رغم حيف الأفاقين ....

ورثت من الحره بهيه صبر النَبِييّن .....

وبأغرس فى الجَنيّـن كرامة الأولييّن .....

أنا اللى قالوا عنى مخ جامد ما يلين ....

لبست بدله وكنت من المتفوقين ...

وبرضه الجلابية لاصقة بالشرايين ...

والعمه والشال هيفضلوا ليوم الدين ...

شاهدين وحاضرين

وعند الجَدْ يا حزين ..

هتشوف اخلاقى وتقول أمين .....

وَخْـر يا وِلْـد

وإسمع كلامى زينْ ....

مش هأعيده مرتين....

حاسب هتتحاسبْ ياحزين .....

وحسابى حساب مَلّكـينْ.....

ويومها هتكون للّويل قَريـِن.....

طبعى حامى ونظرة العين حجر سِجِين....

هأعمل كيانك مُجسم منافقين .....

 ولـِرمى الحجر  زى مزار ناسكين ....

عِرفت أنا مين ولا أقول تانى يا مسكين ....

خلص الكلام من سنين ....

والصبر لُه فى عرفى فِطَـامْ ....

وخلاص أظنه قريب بعد بلوغ الآنين .....

بعد الجلابية ما اشتكت من حمل السنين ....

اختار لو عندك فهم معنى الخيار يا تكون ...

فى عيونى أمير  أو مجسم منافقين .....