جاى تحكيلى عليها
هيه خلاص عندى راحت عليها
كنت ليها وفيها وبيها
عشت العمر كله اداويها
اشيل همومها واواسيها
جاى دلوقتى تحكيلى انت عليها
كنت راسم بسمتى على ايديها
وعارف انى اخرتى بيها وليها وفيها
اشرب شايك واطلع من عندى روح عليها
قول ليها خلاص راحت عليها
والقلب من جوه غاضب عليها
والدمعه فى الجفون تشهد على مآسيها
ورغم انى صحيح عندى راحت لياليها
بس ما قطعت شعرة ود محافظ عليها
مش علشان هيه خلاص تاهت معانيها
وتشوهت صورتها والالوان بقيت باهته فيها
و ضحكة الروح اللى فيها ما لاقيها
لكن لانى منها وليها ولسه برضه بأفكر أرجع ليها .
تعليقات
إرسال تعليق