مدونة وشوشات الألكترونية

يا وطنَ  الحِنجرةِ العظمي والوعدِ الكاذب والأبواق ْ يا وطنَ النفطِ الأعظمِ كيف تطأطأُ ! أوليسَ النفط بألفيْ روحٍ  ،ألفيْ كفنٍ  مثل دموعِ الأمِ الثكلي في الأحداق ! يا وطن الراياتِ الحمقي الدمُ ببلدتِنا الصغري في ضوءِ الشمس وفي ظلماتِ الليلِ يُراق ! الدمُ رخيصٌ ياوطني كالنفطِ ُيصَدَّرُ كي يرجعَ في صورةِ مدفعَ ودمارٍ أو  نارٍ تخرجُ من نارٍ أو ليلٍ يأتي بحصارٍ أو نعشٍ يحملُ ابناءاً شهداءاً فوقَ الأعناق ْ ! يا أمَة يعرِبَ والمليار ْ ياأمةَ  وحٍي ورسولٍ وعلومٍ شتّي وبراق ْ يا أمَة أشلاءٍ نبَتَتْ وسطَ الأحقاِد شُموساً دَكّتْ كلَ حصوِن الظلمِة والإملاق ْ.. يا أمةَ قرآنٍ يُتلي بالله أفيقي فدمائي قد صارت أطفالاً تبكي ودموعاً مثل الأغداقْ..

ويفضل نفس السؤال ليه شمسنا غادرت مدارها ليه كل حته فى جسمنا إحساسها برد ولو سألت عن الدفا تلاقيها كارهه يا ترى كره فى الشمس اللى غابت ولا دا لجل تنسى الخلق تارها وسؤال لكل المحرومين المظلومين واللى قابله بوضع رفضاه الظروف امتى بقى نفوق من الخوف امتى تحس إنك بشر قادر يغير قادر يكمل ينتصر قادر يشوف الشمس رجعت للمدار والخلق غسلت من الجبن عارها ليه كل حاجه وليها وقت هى الاجابه السايده دايما وليه لما أحس بأنى فى حكم ميت أحاول أقتل احساس الخلق تما قوموا نصلى على النخوه اللى ماتت بس السؤال ازاى نصلى واحنا لسه أرواحنا متعلقه بين السما والأرض طب هل يجوز بأن ميت يصلى على ميت وأنه يدفن وأنه يدعى له برحمه ولو يجوز مين يؤم مين يؤم والكل ميت مش مهم خلص إنت بس فرض العباده وسيب مصيرنا للشيطان هو قادر هو فاجر رغم أنه فى الأصل أجبن من جبان هو جبان بس قادر وإحنا جبنا والفجر فينا بس خايفين الكلام علشان كلامنا بيصحى أرواحنا ويحيي احساسنا الحزين فسيب كل حاجه للسنين وسيبنا إحنا زى ما إحنا ميتين

#اعتذار_واجب.... الأخوة والأصدقاء والأحبة في الله أعتذر عن الإطالة في هرتلتي هذه المرة فقد تكون المرة الأخيرة قبيل الشهر الفضيل أعاده الله علينا وعليكم بالخير واليمن والبركات وفرج عنا وسائر المسلمين الكربات وأسأله أن يحسن ختامنا ويكرمنا بفضله وعفوه ومغفرته اللهم آمييين ... أحبتي الشبشب المقلوب لا يعكس أبداً ديناً وعقيدة ولا يظهر أبداً إحتراماً لله جل شأنه وقلوبنا لا تحسن الظن ولا تتطهر من نجاستها ... كلنا كدا عايشين عفواً في اللفظ ( بزرميط ) حياة بهيمية من الدرجة الأولى أكل ونوم ومسلسل معتاد من عبادة أصبحت شبه عاده خالية من الروح والمتعة الحقيقية ... وأنا اليوم أكتب بلسان الإعذار والإنذار والنصح والأرشاد لنفسي قبل أي مخلوووق فقد لا يتكرر المشهد وقد لا نعيش بما يكفي لنتطهر من رجسنا ونكفر عن ذنوبنا ونتخلص من آثامنا ... لذلك أرجو أن تتسع صدوركم لتتقبل تلك المشاهد بعين العقل والبصيره ..      •••••  مشهد 1 ••••• رمضان فرصه عظيمة يجب إغتنامها واقتناصها خصوصاً في هذه المرحلة من الزمن على خلفية الأحداث الراهنة فنحن بحاجة لمبيد فعال وقوووي يخلصنا من الأمراض النفسية والبدن...

فتافيت الهم المتنطور فوق الطرقات والشعر الشايب من خوفى وأنين الذات دايما يزوروني ف أحلامي ويا الأموات ويقولوا  حاجات وحاجات بتطل من الضلمه وصريخ وآهات بتشد الفرح اللي ف حُضني من بضع ساعات وبتسرق دايما أيامي ومقام الصبر اللي مالي به طول عمرى كاسات وبتزرع خوف حوالين الجوف اللي ماداقشي طعم الشربات وأبات الليل ....بين هم وويل وعقارب أسرع من عقرب أجدعها ساعات بتبث السُم اللي ماليها ف ثنايا جلد الأوقات علشان ماتموت وتخش تابوت ومنبه عمرى المتعطل يعلنها ..... سُكات ويخش جحوره المليانه صبيان وبنات ويبات يستني اللي ماهمه لون الكوابيس يفتح له أبوابه المقفوله ويكسر كل الترابيس مع صوت الفجر اللي بيعلن عن نور الشمس المتوضى من نيل الحلوه اللي بتشبه كليوباترا مصر المحروسه ست الستات وفوارس من جيشنا الحارس الأرض الطاهره اللي عشانها عايشه الأموات وتملي ....تُبدر بإيديها ف ضواحي بلادى وحواريها م النصر رايات

• ليس من الضرورى أن يكون الوطن بمساحة واسعة !!! فأحياناً نكتفى بمساحة بسيطة تبدأ وتنتهى .... بين كتفين ...! . -.-.-.-.-.-.-.-.-.-.-.-.-.-.-.-.-.-.-.-.-

أتجبنى اسالك بمررت العاشقة المهزومة اتجبنى اسالك بكل كلمه بكل حرف عشق نديتك بيها أتحبنى اسالك بكل نبض قلبى نبضها بيك ومن اجلك أتحبنى فقالى ليه كيف تسالنى يارفيقة العمر وانتِ وتينى رددت بحسره والدموع محبوسه فـ عيونى أتحبنى اخذني بحضن تناسيت به مرره الفقدان وقال لي انتِ لم تكوني ليا يوما حبيبه انتِ وطن وكيان

مش كل من قال  انا معاك يبقي معاك يا صاحبي وقت الجد هتولول وتقول اه يا قلبي انا ناصح ونصيحتى  دوما بتصادف كلام فعلى سيبك من بتاع الكلام وخليك مع اللى افعاله واقع ارضي #وشوشات_شحات